utala pi akesi monsuta

ni li sitelen lili sin.

---open---

mi lon seme?
tenpo pini lili la mi lape. lape ni li suli li wawa. tenpo mute la mi lape. taso tenpo ni la mi lape ala.
mi lon.
oko mi li open ala. mi lon seme? mi pilin e ni: mi lon anpa anu seme?

mi open e oko mi li lukin e ni: mi lon anpa pi ma kasi. kasi suli li lon poka mi. kasi lili li lon ali. suno lili li lon tan kasi suli.

mi ken kute e mu.

mi lon seme?

mi toki e ni: 'pakala a.'

mi sewi e mi li lukin. kasi suli li lon ali. mi kute kin e mu. mi pilin e ni: ken la soweli ni li pona li ken toki tawa mi. mi tawa.

tenpo kama lili la kasi suli li lon lili. kasi lili li lon mute. kin la suno li lon lili tan ni: sewi li kama jo e telo sewi mute. mi kute e mu li lukin.

mi lukin e ni: ijo li tawa! mi tawa kepeken tenpo lili. mi pilin e ni: ijo li soweli li pona.

tenpo kama lili la mi lukin e ona! taso ona li soweli ala. ona li akesi monsuta! ike a! akesi monsuta li suli li jo e luka tu tu li jo e noka tu wan li jo e oko loje. ona li mu kepeken kalama wawa.

pakala a!

akesi monsuta li toki e ni: 'mi pana e lape tawa sina. mi tawa e sina lon ma kasi. mi wile e ni: mi utala e sina li moli e sina!'

mi wile e ni: mi kama weka. taso mi sona e ni: mi ken tawa ala. tan ni la mi pilin e ni: mi utala. akesi monsuta li mu li pilin wawa e anpa kepeken luka ona. mi lukin e oko pi akesi monsuta. mi toki a!

mi tawa e akesi monsuta li utala e akesi monsuta.

akesi monsuta li open e uta ona li pana e seli tawa mi. mi tawa poka mi. akesi li pana e seli mute. mi tawa. akesi li pana ala e seli. mi tawa li pilin e sinpin akesi kepeken luka mi. akesi monsuta li mu li tawa monsi. mi tawa li pilin e lawa akesi kepeken noka mi. akesi li mu li lon supa. ona li mu li moli.

tenpo kama la mi tawa ma ali li utala e monsuta ali. mi wile e ni: ma ali li pona tawa jan ali.

---pini---

tenpo pimeja

mi wile toki. taso mi ken toki ala. mi jo e pilin lili.

ken la mi musi ala.

tan ni la mi pana e sitelen ni tawa sina.

-open-

jan Liki li jo e soweli lili.

jan Liki li suli e soweli lili.

tenpo kama la soweli lili li lili ala. soweli ni li suli! tan ni la jan Liki li toki e ni: 'soweli lili o. sina suli! ni li ike tawa mi! o weka!'

soweli suli li pilin pakala li kama weka. ona li tawa ma kasi li lon ma ni.

tenpo kama la monsuta suli li tawa tan ma kasi!

ona li tawa e jan Liki li toki e ni: 'tenpo pini la mi soweli lili. taso tenpo ni la mi monsuta suli!'

jan Liki li toki e ni: 'o weka! mi pilin monsuta a tan sina!'

monsuta suli li toki e ni: 'sina ike! mi moli e sina li moku e sina!'

tenpo ni la monsuta suli li moli e jan Liki li moku e jan Liki. tan ni la ma ale li pona.

mi toki e ni tan ni: mi sona ala.

-pini-

mi musi ala.

mi lon esun Jinko. 

kon telo li lon. tenpo kama lili la suno li weka kin. 

kon telo li pona tawa mi tan ni: mi ken ala lukin e ma weka. mi ken lukin taso e ma poka. 

ni li pona mute. 

jan lili mi li lon poka mi. jan ante li lon li toki lili. 

lon mi li kalama ala li utala ala li ike ala. tenpo ni la ale li pona. mi pilin e ni: tenpo ni li awen la mi pilin pona. 

o jo e tenpo suno pona! o jo e musi! o awen! o lukin e mun. 

ale li pona. 

lipu Tili: lipu lili tu tu

jan Tili li tawa esun pi ma tomo Liliti. ona li lukin e jan mute. ona li tawa e jan esun. jan esun ni li suli li kepeken ilo kiwen li pali e ilo ante.

jan Tili li toki e ni: 'toki!'

jan esun li toki e ni: 'toki! ken la mi pana e pona tawa sina anu seme?'

jan Tili li toki e ni: 'mi wile e ni: sina ken ala ken pana e pali lili tawa mi? mi wile mani. taso tenpo lili la mi lon e ma tomo ni.'

jan esun li lukin e jan Tili li toki e ni: 'sina jo ala jo e nimi? sina wile e mani lili la mi jo e pali lili.'

nimi ni li pana e pona tawa jan Tili. ona li toki e ni: 'mi jan Tili. nimi sina li seme?'

jan esun li toki e ni: 'nimi mi li nimi Mukinuni. tenpo suno seme la sina lon ma tomo Liliti?'

jan Tili li toki e ni: 'tenpo suno tu tu tu tu wan la mi lon e ma tomo ni.'

jan Mukinuni li toki e ni: 'jan Tili o kama pona.'

jan Mukinuni li wile e ni: jan Tili li pona e anpa li suli e seli li pali e moku. ni li pona tawa jan Tili.

tenpo suno tu wan la jan Mukinuni li pana e mani tawa jan Tili. jan Tili li pana e mani tawa jan ante tan ni: len en moku. jan Tili li tawa jan Loki li pana e ijo tawa jan Loki. jan Loki li moku li kama jo e len noka. jan Tili li pona tawa jan Loki.

jan Loki li toki e ni: 'jan Tili o sina pona kin!'

jan Loki li pali mute.

----------------

lipu sin li lon ala.
o tawa e lipu pini

mu tu

mi lon.

mi jo ala e lipu pi toki pona. ni li ike. tan ni la mi sona ala e toki pona sin. mi kepeken e toki pona pi sin ala. ni li pona ala pona? mi sona ala.

mi sitelen lili lon lipu ni. taso mi toki kepeken toki pona. mi wile pana e sona pi toki pona tawa jan lili mi. taso mi jo e tenpo lili. ni li ike. taso mi ken ante e seme?

tawa pona!

toki ijo

mi jo e pilin mute. taso mi jo e tenpo lili.

mi wile toki tawa jan kepeken ilo Skype. tenpo kama lili la mi kama jo e ilo ni.

sina wile ala wile toki tawa mi? mi ken toki kepeken toki pona en toki Inli. mi toki lili e toki Epanja. taso mi wile kama sona e toki ante!

tenpo ni la mi lon pali mi li moku mute. kulupu pi pali mi li pana e pan tawa jan pali tan ni: tenpo suno ni li tenpo suno ma. pan ni li pona mute. =]

mi wile e ni: tenpo suno ni li pona tawa sina!

sina toki ala toki?

mi wile e ni: mi ken pilin kepeken toki pona.

tenpo pimeja pini la mi lape. mi lape la mi lukin e ni: ma lape li lon. mi tawa e ma nasa li lukin e jan mute.

tenpo ni la mi kama sona e ijo. mi en jan ante li toki e toki pona. mi lape li pilin e toki pona! ni li pona mute tawa mi. tenpo kama la mi ken toki pona e toki pona. ni li pona mute tawa mi.

mi pilin e ni: mi toki kepeken uta mi. mi wan taso. taso mi toki kin. tan ni la mi ken toki pona e toki pona. sina toki ala toki kepeken uta sina? o toki! o lon e sitelen tawa! o pana e ni tawa lipu 'Youtube'! sina pali e ni la sina kama jo e toki pona. mi sona e ni.

mi toki kepeken toki pona ti toki kepeken toki Inli. ike la mi pali e ni: mi pana e toki pi toki Inli tawa toki pona. ni li ike tan ni: sina toki ala e toki Inli la sina sona ala e nimi mi. tenpo kama la mi pali ala e ni.

mi wile kama sona e toki ante. taso mi jo e tenpo lili. mi wile kama sona e toki Losi en toki Epanja en toki Epelanto en toki Kanse. ni li pona. sina ken toki e toki ni? o toki e ni tawa mi. mi jan pona.

pona a!